موضوع: اصنعي علاقة طرحات وايشاربات بنفسك الثلاثاء نوفمبر 15, 2011 3:55 pm
الخطوات اسهل من السهوله
هتجيبي الخيط او الستان وتلفيه علي كل حلقه لغايه ماتخلصي الكميه اللي انتي عايزاها وبعد كده نعمل نفس الموضوع بالستان او الخيط علي الشماعه انا اخترت اللون ده لايق علي الاوضه عندي وانتي تعمليه زي ماتحبي عشان لو هتعلقيه ورا الباب مثلا يبقي لايق
هننضف الشغل بتاعنا من بواقي الخيط وبعد كده نبدأ نثبت كل حلقتين مع بعض وبعد ما نخلص كل الحلقات نبدأ نثبتهم في الشماعه
وروحي ياقطقوطه علقي طرحك الحلوة وانا عملت هنا عينه ممكن لسه ازودها بس عشان اوريكم الطريقه
اني حطيت مخده دبابيس صغيره علي الشماعه وممكن تتشال كتير مننا بيكسل يفك الدبابيس من الطرحه بعد مايقلعها او يفكهم ويضيعوا في الزحمه بس اكيد مش هتعرفي تعلقي الطرحه بنظام وهيا فيها دبابيس ولا ايه
يارب يكون الموضوع عجبكم بجد وانا تحت امركم لاي استفسار ومستنيه ردودكم الحلوة وتقييماتكم عشان تشجعوني