موضوع: كيفية الرسم على البلايز الجزء الثاني الإثنين مارس 05, 2012 4:58 pm
كيفة الرسم على البلايز والقماش((الجزء الثاني))&ميمي&
السلام عليكم ورحمة الله وبركاته راح اكمل كيفية الرسم على القمااش والبلايز ((الجزء الثااااني)) وهاااذي بعض رسومااتي اناالمنجزه في الوقت الحالي...
ثاني درس* هااذي الالوان مرة حلوة وما تخرج الألوان بالغسيل.. بس عيبها تتشقق الالوان من ع البلوزة.. -
ممم شفتو كيف احيانا البلايز تحسي اللون فيها مشقق هذه كدة..
بصراحة انا حسيتها كويسة مرة والتشقق بس لو كثرتي من اللون في مساحة كبيرة.. بس للاسف ما لقيت دا النوع ثاني مره ..
بعدين استخدمنا ذي.. وذي كويسة ما تتشقق.. بس مرة تتعبني في الغسيل..تخرج الألوان وتحيس ع البلوزة فلما اغسل البلوزة لازم اغسلها ع يدي وبس الاطراف وبنفسي ما اعطيها لشغالة
الخلاصة مني عارفة متى تخرج ومتى لأ
بس انه الوانها قوية صراحة مرة احبها.. استخدمها انا والبس البلايز لين احس خلاص الالوان انتحرت وارميها
دي والنوع إللي قبلها.. زي المعجون تضغطي على اللون وينزل لك وتقعدي توزعيه ع البلوزة..
إذا تشتغلي بذمة جيبي منديل مسدي باللون على البلوزة وراح يصير مرة ارتب من لو حطيتيه بس كدة
فيه منه الوان عادية.. وفيه منه بالجليترز دي مرة تجنن
النوع الجديد إللي اكتشفناه جديد اقلام.. يعني مرة اسهل من المعجون ما يتعب بالضغط وكدة..
المعجون تقعدي تضغطي ولما يكون ع وشك يخلص تقعدي تهزي القلم وحوسة ولما ينعزق بشيء نقعد نغسل الغطا ونفك ومرة حوسة..يعني تعب
بس صدقوني متعة خصوصا لو كان جمعة بنات ضحك وهسترة وانواع التحشيش
دا لا عادي قلم ومرة مرة سهل.. بس انه انتبهي في انواع قماش اسهل من انواع بالكتابة كلهم سهلة بس نوع عن نوع يفرق
بس عيبها انه مافي منها الوان كثيرة.. تجي في علبة بس اسود واحمر وازرق واصفر واخضر مو زي المعجون تلاقي الوان كثييييييييييييير منها ..
وشيء تاني.. طالعو انا ملونة هنا ميكي بالقلم.. شوفي لما نشف كأنه مو ملون مضبوط اللون بهت وكانه فيه فراغات
بينما شوفي الفوشي بنفس الرسمة معجون.. وجليترز.. تحسي ملون بذمة
يعني لازم تستنيها تنشف وتروحي تلوني الفراغات تاني وكدة لين تصير تمام مشوار
فيه نوع تاني من نفس الاقلام دي بس مكتوب عليها بلس.. أختي سألت الرجال وقالها الالوان فيها اكتر واشتريتها..
موضوع: كيفية الرسم على البلايز الجزء الثاني 
الإثنين مارس 05, 2012 4:58 pm
